Ma'lumotlarni o'chirish

Qanday ma'lumotlar saqlanadi

• Ulangan biznes hisobining Instagram foydalanuvchi nomi va profil rasmi.
• Bog'langan Facebook sahifasining nomi va ID raqami.
• Kirish tokenlari (access token) — shifrlangan holda saqlanadi.
• Integratsiya orqali kelgan va yuborilgan Direct xabarlar va izohlar hamda ularning ilovalari (rasm, video, fayl).
• Korxonaga yozgan yoki izoh qoldirgan odamlarning Instagram foydalanuvchi nomi, profil nomi va ID raqami.
• Ular izohlarda yozgan telefon raqamlari.
• Shu xabar va izohlardan yaratilgan lidlar va vazifalar.

Nima uchun ishlatiladi

Faqat ikki maqsadda: korxona xodimlariga CRM ichida Instagram yozishmalarini ko'rsatish va ulardan lid yaratish.

Biz bu ma'lumotlarni sotmaymiz, reklama uchun ishlatmaymiz va uchinchi tomonlarga bermaymiz. Istisno — tizim ishlashi uchun zarur infratuzilma provayderlari (bulutli hosting va ma'lumotlar bazasi), ular ma'lumotni faqat bizning nomimizdan saqlaydi.

1. Korxona egasi: integratsiyani uzish

SISTEMATOR'da Sozlamalar → Integratsiyalar → Instagram bo'limiga o'ting va ulanishni uzing. Shu zahoti SISTEMATOR hisobingizga kirish huquqini yo'qotadi va kirish tokeni o'chiriladi — yangi xabar va izohlar endi kelmaydi.

Allaqachon saqlangan alohida lid va yozishmalarni CRM ichida o'zingiz o'chirishingiz mumkin. Hammasini to'liq o'chirish uchun quyida ko'rsatilgan email orqali so'rov yuboring.

2. Ilovani Facebook yoki Instagram sozlamalaridan olib tashlash

SISTEMATOR'ga bergan ruxsatni Meta tomonidan ham bekor qilishingiz mumkin:

• Facebook: Sozlamalar va maxfiylik → Sozlamalar → Biznes integratsiyalari (Business Integrations) → SISTEMATOR → Olib tashlash.
• Instagram: Sozlamalar → Ilovalar va veb-saytlar (Apps and websites) → SISTEMATOR → Olib tashlash.

3. Email orqali o'chirishni so'rash

Har kim — korxona egasi ham, korxonaga Instagramda yozgan yoki izoh qoldirgan odam ham — o'z ma'lumotini o'chirishni so'rashi mumkin. general@sistemator.uz manziliga Instagram foydalanuvchi nomingizni (yoki ulangan hisobni) va so'rovingizni yozing.

So'rovni olganimizni tasdiqlaymiz va ma'lumotlarni 30 kun ichida o'chiramiz. So'rov haqiqatan sizdan ekanini tekshirish uchun qo'shimcha savol berishimiz mumkin.

general@sistemator.uz ga yozish →